Tiko Kechik Dulu

masih aku ingak tiko dulu-dulu
maso kechik slalu aku nga saing-saing
bangun tatkalo pagi jale gi pata
pakai kain sarong lilit tuola pinggae
jupo rok kuae sak perak hilae
ruponyo nusuk alik pohon
belae-belae buae hok mano patot

sudah seliroh lepah tu pakat mari blako
berendae dalae air laut pagi ngetak bulu
sejuk sero sapa ko tulae itae
mandi gura main air puah-puah
bele tengok ore wak naik ikae
sega buga dok srupo lo nie
kalu tulong demo heret bot naik darat
buleh jugok supit duo ikae kembong
wak balik rumoh panggae slalu
manih braso sedak sunggoh
ngatoh rama-rama nga saing-saing
bele main brambat dakpae rumoh

atah gelega mok ayoh tok keduo
kecek suko bele isap rokok daun
tok dok kerat pinae nok make nga sireh
lesek kapo gambe sekek lipat suak mulut
meroh abih pakat ludoh sano sini
merioh sunggoh jame dulu tiko kecik
tak dok doh lo ni payoh doh nok jupo

-adizack ms
mei 2010